香港尖沙咀K11動態 >   ABC Cooking Studio 料理教室     > 【ABC Cooking Studio x 北廣島町三上貞直鑄刀道場體驗】 手打蕎麥麵研修學成後,我地一眾導師接住拜訪位於有田嘅鑄刀道場,體驗鑄刀。   


【ABC Cooking Studio x 北廣島町三上貞直鑄刀道場體驗】 手打蕎麥麵研修學成後,我地一眾導師接住拜訪位於有田嘅鑄刀道場,體驗鑄刀。而今次去嘅鑄刀道場嘅特別之處,在於佢主理人三上貞直先生係現任日本刀匠會會長。三上先生為人敦厚,更加好熱心意分享同推廣鑄刀工藝。三上會長當日就帶我地感受左日本刀具鋒利嘅秘訣! 今次我地體驗鑄刀當中嘅「鍛鍊」同「銘切」工序。「鍛鍊」目的係將堅硬的「皮鐵」包裹著柔軟的「心鐵」,令刀身兼具剛硬同銳利嘅特性。當中我地體驗左打鐵,鐵錘重量比想像中重好多。至於「銘切」,就係於鐵刀上刻上文字,令作品成為獨一無二嘅刀具。會長當日親手為我地導師打造左每人一把「三德刀」(三德包丁,日本廚房入面最萬能嘅一個刀款),經過多番練習之後(係鐵上面刻畫好難㗎),我地導師都勾畫到好靚嘅線條。... 今次北廣島町體驗傳統工藝,由蕎麥麵到鑄刀,我地都見識到日本職人嘅專注,堅持同埋傳承;「鍛鍊」過程嘅千錘百鍊,手作蕎麥麵嘅細膩,每個工序都係傳統智慧嘅累積。由美食到工藝,都係源於同一種嚴謹嘅精神。 #abccookingstudio #abccookingstudiohk #cookingsmile #japanese #hiroshima #kitahiroshima #katana #handmade #tradition #culture #日本觀光 #職人 展开

發佈日期:10/11/2018 3:59:57 AM    來源:Facebook   
點擊查看香港K11的ABC Cooking Studio 料理教室店鋪信息。
聯絡我們| 熱門搜索| 服務詳情| 租務查詢| 免責聲明| 私隱權政策| Copyright © 2018 K11. All Right Reserved.